Logo

«Must-Do»-Erläbniss

Äs git viel zm endteckn

Härzlich Willkommn in Wiler, dum drittn Dorf vam Letschn. Ds'modärn Dorf liggit uf 1'419 m ü.M. und ischt mit dr einzig touristisch gnutztn Alp im Tal - dr Loichäru t'Zentrum vam touristisch Gschehens im Tal. Dr Nam Wiler erinnrut an latinischn Nam "villa", was so viel wiä "Landguät, Gehöft, Landhuis" beditut. D'hiitig Siedlungsstruktur vam Dorf Wiler isch massgäblich durchn Brand vam 17. Juni 1900 bstimmt, durch däm z'Dorf fast vollständig zerstört isch wordn. Dr schachbrättartig Grundriss vam Dorf zeigt, dass Wiler kei gwachsni, sondrn än planmässig angleiti Siedlung isch. Längs dr Hoiptstrass befindut schich d'Wohngeboide. Die ziilunartig anänandrgreihtu Stallbauten hingäge am südlichn Siedlungsrand vam Dorf. Da nach im Brand d'Hiischr uis Schparsamkeitgründ nur mit knappm Ruim gibuit sind wordn, ergit schich nahm zweitn Wältchriäg z'Bedürfniss nach gressrm Noibauten, die jetzt an dr Weschtsiitu vam urschprünglichm Dorfchärns oder an dr neun Umfahrungsstrasse steit.
Das Dorf Wiler ischt mit uber 500 Iwohner hit die bevölkerungsrichschti Gmeind vam Tal